2015 жылдың 11 ақпанында Бурабай ауданының жұмыспен қамту және әлеуметтік бағдарламалар бөлімінің мәжіліс залында аудан әкімі Т.Ж.Ташмағамбетовтың қатысуымен «Ерікті мүгедектер қоғамының» аудандық конференциясы болды. Конференцияға Щучинск қаласының және ауылдық округтардың мүмкіндігі шектеулі тұлғалары, сонымен қатар «Бурабай ауданының мүгедектер қоғамы» ҰҚ -нің төрағасы, зағиптар, саңыраулар ұйымдық қоғамдардың төрағалары шақырылды.
Жасалынып жатқан жұмыстар жөнінде ақпаратпен Ақмола облысы әкімінің кеңесшісі В.Л.Шиманский сөз сөйледі. Ақмола облысының мүгедектер қоғамының төрағасы, «Буланды» корпоратив қорының президенті С.К.Акимбаев қатысушыларды мүгедектерді ойландыратын мәселелермен таныстырды және оның шешу жолдарын ұсынды. Мүгедектердің мәселелері туралы Көкшетау қаласы әкімінің кеңесшісі Р.Мукатаев және Бурабай ауданы әкімінің кеңесшісі К.Байбуров сөз сөйледі.
Бурабай ауданы жұмыспен қамту және әлеуметтік бағдарламалар бөлімі басшысының м.а. К.Кожагулов саңыраулар қоғамы, корпоративтік қордағы зағиптар қоғамы және ерікті мүгедектер қоғамымен бірігіп жасалынған жұмыстар туралы сөз сөйледі. Сонымен қатар осы жиналыста облыстық мүгедектер конференциясына делегаттарды сайлады. Жиналыста бірауыздан Бурабай ауданының мүгедектер қоғамының төрағасы К.Байбуров сайланды.
